Ч.Номин: ISHOWSPEED-г Монголд ирүүлэхэд Соёлын яамнаас зардал гаргаагүй. Үнэгүйгээр Монгол Улсыг сурталчилж өгсөн

Америкийн алдарт Youtuber, стриймэр IShowSpeed өнгөрсөн сарын 11-нд Монгол Улсад ирж, төв талбай дээрээс монгол дээлтэй шууд дамжуулалт хийж, Чингис хааны музейд саатсан юм. Мөн бөхийн өргөөнд Монгол бөхчүүдтэй барилдсан. Түүнийг хаа явсан газар нь хүүхдүүд бүчиж, Улаанбаатар хотын төв хэсэгт IShowSpeed -ээр амьсгалж, хөл хөдөлгөөнтэй байсан юм.

Тэгвэл уг юүтүбр залууг Монгол Улсад авч ирэхэд хэчнээн төгрөг зарцуулсан эсэх талаар Соёл спорт, аялал жуулчлал, залуучуудын сайд Ч.Номингоос тодруулахад "Олон улсын инфлүүнсэрүүдийг мөнгө зарж, авч ирэх төлөвлөгөө Соёлын яаманд байхгүй. ISHOWSPEED-г Монголд ирүүлэхэд Соёлын яамнаас зардал гаргаагүй. Үнэгүйгээр Монгол Улсыг сурталчилж өгсөн. Соёлын яамнаас "Монгол Улсад ирээч" гэсэн хүсэлт л тавьсан гэлээ.