ЦЕГ: Гадаа тоглож байсан бага насны охиныг хулгайлахаар завдсан этгээдийг ОЛЖ ТОГТООСОН

Цагдаагийн байгууллагад өнөөдөр 12.30 цагийн орчимд Дархан сумын 9 дүгээр багийн нутагт байх орон сууцны байрны гадна 30 орчим насны эрэгтэй хүн 4-5 орчим насны эмэгтэй хүүхдийг авч явах гээд хоргоогоод гараас нь хөтөлж явж байгаад хүүхдээ орхиод зугтаачихлаа” гэх дуудлага мэдээлэл бүртгэгдсэн байна.

Энэ дагуу цагдаагийн байгууллагаас шалгалт явуулж хойшлуулшгүй ажиллагааны явцад цугларсан баримтуудаар 30 орчим насны эрэгтэйг эрэн сурвалжилж байсан юм.

Энэ талаар ЦЕГ-аас тодруулахад "Хүүхдийг хүчээр авч явах гэсэн этгээдийг олж тогтоосон. Цаашид Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан нотолбол зохих байдлыг бүрэн шалгаж, тогтооно" гэлээ.