Г.Дамдинням: Төсөл, ТӨК-иудыг сорчилдог С.Бямбацогт гэдэг Уул уурхай, аж үйлдвэрийн 2 дахь сайдтай болсон

ЗГХЭГ-ын дарга С.Бямбацогт өнөөдөр Зэс боловсруулах үйлдвэрийн сонгон шалгаруулалтыг зарлах талаар мэдээлэл хийсэн. Тэгвэл АҮЭБ-ийн сайд Г.Дамдинням цахим хуудаснаа "Манайх Уул уурхайн 2 сайдтай болсон. Одоо Аж үйлдвэрийн 2 дахь сайдтай болсон шүү дээ. Төсөл сорчилно, ТӨК-д сорчилно" гэж байр сууриа илэрхийлжээ. Г.Дамдиннямын энэ байр суурь анхных биш бөгөөд төсвийн хэлэлцүүлгийн явцад ч чуулганы хуралдаанд илэрхийлж байсан.

Өөрөөр хэлбэл, Г.Занданшатарын Засгийн газрын хоёр сайд зөрчилдөөнөө ил гаргаж эхэллээ. Өнгөрсөн зургаадугаар сараас хойш далд байдлаар зөрчилдөж байсан. Хэрвээ энэ дотоод зөрчлийг нэн даруй шийдэхгүй бол цаашид том хэмжээний хор уршиг тарьж мэднэ.

Манайх Уул уурхайн 2 сайдтай болсон, одоо Аж Үйлдвэрийн 2 дахь сайдтай болсоншд...

Төсөл сорчлоно, ТӨК-д сорчлоно... https://t.co/DBuT9x7Ojz

— Гонгорын Дамдинням (@Daimka07) November 27, 2025