МУГТ Б.Билгүүн: Ч.Тэмүүлэнг ямар нотолгоо, үндэслэлээр талбайгаас хөөсөн гэдгээ тайлбарлах хэрэгтэй. Цаашид бусад баг, тамирчид яах ёстойгоо мэдмээр байна

Хасын хүлэгүүд багийн тоглогч Ч.Тэмүүлэнг талбайгаас хөөсөн асуудлаар МУГТ Б.Билгүүн байр сууриа илэрхийлжээ. Тэрбээр, "The League - Үндэсний Дээд Лиг яг ямар нотолгоо, үндэслэлээр Ч.Тэмүүлэнг талбайгаас хөөсөн гэдэг дээр ямар нэг мэдэгдэл өгөх хэрэгтэй байх, цаашид бусад багууд тамирчид яах ёстойгоо мэдмээр байна" гэжээ.

Мөн тэрбээр, Уул нь The League - Үндэсний Дээд Лигээс болсон процесс, гаргасан шийдвэрийн талаар л логик үндэслэлтэй хариу хүссэн юм. Тэгсэн чинь Сэлэнгэ бодонс, Хасын хүлэгүүд 2 багийн хэрүүл болоод явчихлаа шүү. Хэн нэгнээс буруу хайх гээгүй шүү. Тэгэхдээ тодорхой болгож байж цаашид сайжрах ёстой биздээ" гэсэн байна.