Дархан аварга Н.Батсуурийн эгч Н.Энхчимэг: Үнэн гэж байдаггүй юм уу
2025 оны Үндэсний их баяр наадамд үзүүрлэн Улсын гарди цол хүртээд байсан Н.Өсөхбаярын допингийн шинжилгээний хариу ЭЕРЭГ гарснаар хориотой бодис хэрэглэсэн гэж үзэн, түүний цолыг хураах саналыг Үндэсний их баяр наадмыг зохион байгуулах салбар хорооноос Монгол Улсын Ерөнхийлөгчид хүргүүлсэн. Ингэснээр Н.Өсөхбаярын Улсын гарди цолыг хураагаад байсан юм.
Тэгвэл Н.Өсөхбаяр дээрх шийдвэрийг эс зөвшөөрч гомдол гаргасныг өчигдөр Спортын арбитрийн шүүх хэлэлцээд, түүнийг хориотой бодис хэрэглэсэн гэх шинжилгээний хариуг “Илт гажсан” гэж үзэн, хүчингүй болгосон байдаг.
Тэгвэл уг асуудалд Дархан аварга Н.Батсуурийн эгч Н.Энхчимэг "Шударга ёс чи хаана байна. Шударга шүүх байх ёстой биш билүү. Үнэн гэж байдаггүй юм уу. МҮБХ Тамгагүй цаас өгөөд дүүг минь яаж буллидлээ! МҮБХ-г харж л байя" хэмээн байр сууриа илэрхийлжээ.
