Б.Мөнхтамир: Монгол Улсад нийлүүлэх шатахууны татан авалт гэрээний дагуу үргэлжилж байна
ОХУ-тай байгуулсан тогтвортой нийлүүлэлтийн гэрээний хүрээнд шатахууны татан авалт тасралтгүй үргэлжилж байна. 2026 оны аравдугаар сард ААН-үүд нийт 78 мянган тонн шатахуун импортлох гэрээ байгуулжээ.
Энэ сард ОХУ-аас нийлүүлж буй шатахууны үнэ өмнөх сараас тонн тутамд 190 ам.доллароор нэмэгдсэнтэй холбоотойгоор АИ-92 автобензиний жижиглэнгийн үнэ 500-550 төгрөгөөр өсөөд байгаа юм. Харин Монополын эсрэг газар ШТС-уудад шатахууны үнийг үндэслэлгүй нэмэгдүүлж байгаа эсэхэд хяналт тавьж ажиллах аж.
ОХУ-ын газрын тосны бүтээгдэхүүний зах зээлийн үнийн өсөлт болон тус улсын дотоодын нийлүүлэлтэд үүссэн хүндрэл нь импортын өртөгт нөлөөлж байгаа ч Монгол Улсад нийлүүлэх шатахууны татан авалт гэрээний дагуу үргэлжилж байгааг АҮЭБ-ийн дэд сайд Б.Мөнхтамир мэдээлсэн байдаг.
Мөн иргэдийг шатахууны түгээлтийн мэдээллээр шуурхай хангах зорилгоор ШТС-уудад шатахуун буусан даруйд холбогдох мэдээллийг Benzin.mn аппликейшнд байршуулж байхаар зохицуулж байгаа аж.
