Ц.Идэрбат: “Саятан сүрэг”-ийнхэн хаашаа, хэдэн ухна зарснаа ч хэлэхгүй байна

Төв аймаг болон зарим аймагт ямааны годрон өвчин гарсны улмаас олон тооны ямааг амьдаар нь устгалд оруулж буй бичлэг мэдээлэл цахим орчинд нийтлэгдсэн. Тэгвэл нөхцөл байдлын талаар ХХААХҮ-ийн сайд Ц.Идэрбат мэдээлэл хийлээ. Энэ үеэрээ тэрбээр “Саятан сүрэг”-ийнхэн хаашаа, хэдэн ухна зарснаа ч хэлэхгүй байна. Тэр бүү хэл зөрүүлээд годронгийн вакцин санал болгож байгаа талаар ч мэдээлэл байна. Монголд бүртгэлгүй үйлдвэрийн ухныг хилээр хууль бусаар оруулж ирсэн байж болзошгүй тул тагнуул, ЭЦА-нд хандаад байна" гэлээ.