ТАНИЛЦ: Хотын дарга Б.Пүрэвдагва тэргүүтэй 16 албан тушаалтан Хятад, Макао, Хонг-Конг-д сургалтад хамрагджээ

Хотын дарга Б.Пүрэвдагва хэдхэн хоногийн өмнө "Шинэ үеийн Улаанбаатар" бодлогоо хэвлэл, олон нийтэд танилцуулсан. Тэгвэл энэ хүрээндээ есдүгээр сарын 4-7-ны хооронд БНХАУ, Макао, Хонг-Конг руу сургалтад хамрагдаад иржээ.

Ингэхдээ, төсвөөс 140 сая 566 мянга 806 төгрөгийг замын зардал нэрээр “Улаанбаатар хотын тогтвортой автозам, тээвэр” төслөөс гаргуулсан гэх мэдээлэл байна. Оролцогчдын танилцуулбал,

Б.Пүрэвдагва – Нийслэлийн Засаг дарга бөгөөд Улаанбаатар хотын Захирагч

А.Амартүвшин – Агаарын бохирдол, ногоон хөгжлийн төсөл, хөтөлбөр хариуцсан зохицуулагч

Ү.Ганболд – Нийслэлийн Засаг даргын Тамгын газрын дарга

Б.Мөнхбат – Нийслэлийн Засаг даргын эдийн засгийн хөгжил, дэд бүтцийн асуудал хариуцсан нэгдүгээр орлогч

Г.Жаргалсайхан – Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогч

Ж.Батбаясгалан – Нийслэлийн Засаг дарга бөгөөд Улаанбаатар хотын Захирагчийн Ахлах зөвлөх

Л.Хосбаяр – Замын хөгжлийн төсөл, хөтөлбөрийн зохицуулагч

Г.Гангамөрөн – Нийслэлийн өмчит Улаанбаатар хөрөнгө оруулалт, менежмент ҮЦК ХХК-ийн гүйцэтгэх захирал

Б.Сүхбаатар – Нийслэлийн Засаг дарга бөгөөд Улаанбаатар хотын Захирагчийн Барилга, хот байгуулалт, орон сууцны асуудал хариуцсан зөвлөх

Ж.Эрдэнэбаяр – НЗД-ын шуурхай ажлын албаны дарга

Б.Батцолмон – Нийслэлийн Ерөнхий архитектор

Ч.Батзориг – Эрчим хүчний төсөл, хөтөлбөр хариуцсан зохицуулагч

Р.Дагва – Нийслэлийн бодлогын судалгаа, шинжилгээний төвийн дарга

Б.Сэмжидмаа – Төрийн үйлчилгээний чанар хариуцсан зохицуулагч

Ч.Мэндбаяр – Улаанбаатар хотын Ерөнхий менежер бөгөөд Захирагчийн ажлын албаны дарга

Ү.Амарбат – Нийслэлийн Засаг дарга бөгөөд Улаанбаатар хотын Захирагчийн хууль, эрх зүйн асуудал хариуцсан зөвлөх нар багтжээ.