МАН-ын “30-ийнхан“ ирцээ бүрдүүлэх үү эсвэл УИХ-ын гацалт үргэлжлэх үү

Ерөнхийлөгчийн сонгуульд горилогчдын ил, далд улс төрийн зодоон ширүүссээр С.Амарсайханыг ХЗДХ-ийн сайдаас явуулж, оронд нь МАН-ын Удирдах зөвлөлийн 100 хувийн саналаар УИХ-ын гишүүн Г.Тэмүүлэнг дэмжсэн.

Гэвч 30:38-аар хуваагдаад буй МАН-ын 30-ийн бүлгийнхэн Г.Тэмүүлэнгийн томилгоог танилцуулах пүрэв гарагийн чуулганд ирсэнгүй. Улмаар гадаад, дотоод томилолттой гишүүдээ энэ долоо хоногтоо цуглуулан ирэх даваа, мягмар гарагт чуулганаа хуралдуулахаар болсон.

Өнөөдөр 14.00 цагаас чуулганы хуралдааныг товлосон байгаа ч 30-ийн бүлгийнхэн ирцээ бүрдүүлж ирнэ гэдэг бүрхэг. Мөн АН-ынхан төсвийн хэлэлцүүлэг дээр авсан гурав хоногийн завсарлагаа сунгаж ч магадгүй байгаа юм.