Г.Тэмүүлэнг ХЗДХ-ийн сайдаар томиллоо
УИХ-ын чуулганы өнөөдрийн хуралдаанаар ХЗДХ-ийн сайд С.Амарсайханыг үүрэгт ажлаас нь огцруулсан билээ. Үүнтэй холбоотойгоор түүний оронд УИХ-ын гишүүн Г.Тэмүүлэнг томилох саналыг өнөөдөр өглөө МАН-ын Удирдах зөвлөл дэмжсэн.
Энэ дагуу өнөөдөр УИХ-ын чуулганы хуралдаанд дээрх саналыг танилцуулж, УИХ-ын гишүүд шинэ сайдаас асуулт асууж, хариулт авлаа. Үүний дараа сайдаар томилох захирамжид гарын үсэг зуран, тангараг өргөснөөр томилгоо ийнхүү албажлаа
ТӨГССӨН СУРГУУЛЬ, МЭРГЭЖИЛ
2003 онд АНУ, American university сургууль, олон улсын харилцааны бакалавр
2005 онд АНУ American university сургуулийг Олон улсын удирдлагын магистр
АЖИЛЛАСАН БАЙДАЛ
2006 онд Ашигт малтмал газрын тосны газрын Гэрээлэлтийн хэлтэст мэргэжилтэн
2007 онд Ашигт малтмал, газрын тосны газрын Гэрээлэлтийн хэлтэст ахлах мэргэжилтэн
2008-2009 онд Ашигт малтмал газрын тосны газрын Гэрээлэлтийн хэлтсийн дарга
2009-2014 онд Төрийн өмчит “Эрдэнэс МГЛ” ХХК-д дэд захирал
2013-2015 онд “Оюутолгой” ХХК-нд Төлөөлөн Удирдах Зөвлөлийн гишүүн
2014-2015 онд Монгол Улсын Уул уурхайн яамны дэд сайд
2015 оноос Нийгмийн ардчилал монголын залуучуудын холбооны ерөнхийлөгч
2015 оноос Монгол Ардын Намын удирдах зөвлөлийн гишүүн
2016-2020 онд Монгол Улсын Их Хурлын гишүүн
2020-2024 онд Монгол Улсын Их Хурлын гишүүн
2022-2024 онд Монгол Улсын Их Хурлын Төсвийн байнгын хорооны дарга
2024 оноос Монгол Улсын Их Хурлын гишүүн
2024 оноос Монгол Улсын Их Хурлын Аюулгүй байдал, гадаад бодлогын байнгын хорооны дарга
