Б.Энхбаяр: Хуулийн дээр гарсан Нямдоржтонгуудыг зайлуулах цаг болсон

УИХ-ын гишүүн Б.Энхбаяр өөрийн цахим хуудсаараа дамжуулан ЗГХЭГ-ын дарга Ц.Нямдоржийн талаар дахин нэг сонирхолтой байр суурь илэрхийллээ. Энэ удаад энэ удаад хуулийн салбарт "даварсан" Нямдоржтонгуудыг зайлуулах болно гэж мэдэгджээ. Ингээд түүний байр суурийг бүрэн эхээр нь хүргэж байна.

УИХ-ын гишүүн Б.Энхбаяр "Э.Бат-үүл Ц.Нямдоржийг “хорт могой” гэнэлээ.Би үүнтэй санал нийлэхгүй. Могой ганц толгойтой, ганц биетэй. Тэр олон гартай, олон ч хөлтэй. “Хуулийн хулгайтай тэмцэнэ” гэсэн сонгуулийн уриа дэвшүүлж миний бие зүгээр ч нэг УИХ-д нэр дэвшээгүй. Ямар ч хувь хүн хуулийн хийдэл, системд хулгай хийх боломжгүй, тийм эрүүл бөгөөд ил тод, тийм хяналттай бөгөөд хариуцлагатай ажиллах эрх зүйн орчинг бий болгохыг зорьж хууль тогтоогч больё гэж шийдсэн. Эхлээд Шүүхийн шинэтгэлийг барьж авсан. Энэ бол дөнгөж эхлэл. Цаашаа Прокурор, мөрдөх болон гүйцэтгэх албаны эрх зүйн орчин цогцоороо сайжирч байж урагшилна. Хувьдаа шударга ёсыг өмчилж, хуулийн дээр гарч, хууль бол би гэх хүртлээ даварч хөлжсөн Нямдоржтонгуудыг зайлуулах цаг болсон. Парламентат ёс энэхүү тэмцлийн гол хүч болно гэдэгт итгэлтэй байна.Намын ард нуугдаж мөнгө угаадаг мангасуудтай тэмцэнэ" гэжээ.

Баяр