Энэ мэдээ хуучирсан буюу 2021/07/27-нд нийтлэгдсэн мэдээ болно.
ИРГЭН Б: Хөдөлгөөн эхлэхдээ араагаа андуурч дараад дэлгүүр рүү орчихсон
60
Энэ сарын 26-ны 21.00 цагийн орчим Налайх дүүргийн Тэрэлжийн зам дагуу байрлах "Тэрэлж маркет" дэлгүүр рүү автомашин мөргөж орсон хэрэг гарсан. Энэ талаар цагдаагийн байгууллагаас тодруулахад "Шалгаж байгаа" гэх мэдээллийг өглөө.
Харин баттай эх сурвалжийн мэдээлж буйгаар тухайн автомашиныг жолоодож явсан эмэгтэй Б нь автомашин жолоодох эрхгүй байжээ. Мөн тэрбээр цагдаагийн байгууллагад "Хөдөлгөөн эхлэхдээ араагаа андуурч урагшаа ухасхийсэн. Тэгээд дэлгүүр рүү орчихсон" гэсэн тайлбарыг өгсөн байна.
Азаар хүн бэртэж гэмтээгүй аж.
Энэ талаар бид эргэн мэдээлэх болно.
