Хэнтий аймгийн нөхөн сонгууль үргэлжилж байна
УИХ-ын нөхөн сонгуулийн санал хураалт Сонгинохайрхан дүүрэг, Хэнтий аймагт өнөөдөр 07:00 цагт эхэлсэн. Хэнтий аймгийн нөхөн сонгуулийн санал хураалт үргэлжилж байна.
УИХ-ын ээлжит 2020 оны сонгуулиар Хэнтий аймгийн 18 дугаар тойргоос У. Хүрэлсүх МАН-аас нэр дэвшин сонгогдсон юм. Монгол улсын Ерөнхийлөгчийн ээлжит 2021 оны сонгуульд У. Хүрэлсүх намаасаа нэр дэвшиж сонгогдсоноор нөхөн сонгууль болж байна.
УИХ-ын сонгуулийн 18 дугаар тойрог буюу Хэнтий аймагт нөхөн сонгуулийн санал хураалт үргэлжилж байна. Нөхөн сонгуульд дараах нам, эвсэлээс
Монгол ардын намаас Цагаанхүүгийн ИДЭРБАТ
Ардчилсан намаас Батхүүгийн ГАРАМГАЙБААТАР
Иргэний зориг ногоон намаас Алтанхуягийн БАРХҮҮ
Ард түмний олонхийн засаглал намаас Дэнзэнгийн ЧУЛУУНБАТ
Шударга иргэдийн нэгдсэн эвсэл намаас Дамбадондогийн БААТАРЖАВ
Бие даан нэр дэвшигч Магнайбаярын ЧИНГИСХААН нар өрсөлдөж байгаа юм.
Нөхөн сонгууль зохион байгуулах цаг хугацааны хуваарийг Сонгуулийн ерөнхий хорооны 2021 оны долдугаар сарын 29-ний өдрийн хуралдаанаар баталсан. Уг хуваарь, холбогдох хууль тогтоомжийн хүрээнд нөхөн сонгуулийг зохион байгуулж байна.
