Цэргийн бүртгэл ирэх лхагва гарагаас эхэлнэ

Нийслэлийн хэмжээнд цэргийн бүртгэл нэгдүгээр сарын 5-наас эхлэх талаар холбогдох байгууллагаас мэдээллээ. Бүртгэл энэ сарын 21-нийг хүртэл үргэлжилнэ.

Бүрдүүлэх баримт бичиг:

Иргэний үнэмлэх

Цэргийн үүрэгтний үнэмлэх

Ажлын газрын үнэмлэх

Цэргийн үүрэгтний үнэмлэхгүй бол 3х4 хэмжээтэй цээж зураг 2 ширхэг.

Иргэд өөрийн оршин суугаа хорооны Засаг даргын байранд очиж бүртгүүлэх юм байна. Түүнчлэн e-Mongolia гар утасны апп болон вэб хуудсаар, Нийслэлийн үйлчилгээний нэгдсэн төвд хандан бүртгүүлэх боломжтой аж.

Цэргийн бэлтгэл албанд бүртгэлтэй байх насны хязгаар:

Дээд офицер /Генерал/-65 насны

Ахлах офицер -60 насны

Дунд офицер, ахлагч -55 нас

Эмэгтэй офицер, ахлагч болон байлдагч, түрүүч /иргэн/ 50 нас.

Цэргийн бүртгэлд хамрагдаагүй иргэдийг Зөрчлийн тухай хуулийн 15.17 дугаар зүйлийн 3-т 100,000 төгрөгөөр торгох заалттай байна.