С.Амарсайхан: ЭМЯ, НЭМГ-ын албан тушаалтнууд өөрсдөө эмнэлгүүдээрээ явж ажилла
Шадар сайд С.Амарсайхан өчигдөр цар тахлын үеийн авч хэрэгжүүлж буй хариу арга хэмжээний талаар холбогдох албаныхантай цахим уулзалтыг зохион байгуулсан. Энэ үеэр Шадар сайд С.Амарсайхан "Иргэд эмнэлэгт хэвтэх гэхлээр ор байхгүй, ор гаргаж хэвтүүлэхийн тулд Шадар сайдаас зөвшөөрөл авна гэсэн байх юм. УОК-ын дарга, УОК-оос эмнэлэгт хэвтэн эмчлүүлэх ор дэрийг зохицуулна гэж юу байдаг юм. ЭМЯ-ны холбогдох албан тушаалтнууд НЭМГ-ынхан орны нэгдсэн зохион байгуулалттайгаар штаб дээр хийж байгаа. Эмнэлгийн ор хүрэлцэхгүй байна гэх асуудал гаргаж болохгүй. Эмнэлэгт хэвтэж буй өвчтнүүдийн эм тариа, хоол унданд анхаар. Өрхийн эмнэлгүүдээр явж үз. Ажлын хэсгүүд мэдээллээ нэгтгэ. Аймаг, орон нутгийн эмнэлгүүдэд ямар нөхцөл байдал үүсч байгаад анхаарлаа хандуул" гэв.
