Энэ мэдээ хуучирсан буюу 2022/02/23-нд нийтлэгдсэн мэдээ болно.
БНСУ-ын ЗГ 5-11 насны хүүхдүүдийг дархлаажуулахаар боллоо
00
БНСУ-ын засгийн газраас “Pfizer” компанийн “COVID-19”-ийн вакциныг 5-11 насны хүүхдүүдэд хийх зөвшөөрөл олгожээ.
Ингэхдээ “COVID-19”-ын вакцины эмнэлзүйн судалгаануудыг нарийвчлан судалан хоёр тунгийн аюулгүй байдал, үр дүнг үнэлэн тус шийдвэрт хүрчээ.
БНСУ-д 5-11 насны хүүхдүүдэд “COVID-19”-ийн вакцин хэрэглэх анхны зөвшөөрлийг олгож буй нь энэ юм. Тус вакцин нь 5-11 насны хүүхдүүдийг “COVID-19”-өөр халдварлахаас 90.7 хувиар сэргийлж буй үр дүн үзүүлсэн байна.
“Pfizer”-ын вакциныг дээрх насны хүүхдүүдэд хоёр тунгаар гурван долоо хоногийн зайтай тарих юм. Мөн 12-оос дээш насныханд тарьж байгаа тунгийн гуравны нэгтэй тэнцэх тунгаар буюу 10 микрограммаар дархлаажуулах юм.
