Энэ мэдээ хуучирсан буюу 2022/02/28-нд нийтлэгдсэн мэдээ болно.
АНЭУ-д гудамжинд амны хаалт зүүх журмыг цуцалжээ
00
Ойрхи Дорнодын аялал жуулчлал, худалдааны төв гэгддэг Арабын Нэгдсэн Эмират Улсад гудамжинд амны хаалт зүүх, “COVID-19”-өөр халдварласан өвчтөнтэй ойр байсан хүмүүсийн заавал тусгаарлагдах журмыг цуцалжээ.
Мөн хоёрдугаар сарын 26-ны өдрөөс хэрэгжиж эхэлсэн Онцгой байдал, гамшгийн уршгийг арилгах газрын шинэ удирдамжид "COVID-19"-ийн вакцинд бүрэн хамрагдсан жуулчдаас “PCR” шинжилгээ шаардахаа болино хэмээн тэмдэглэсэн байна.
Эдийн засаг, аялал жуулчлалын салбарын хувьд мөн хүн хоорондын зай барих журмыг цуцалсан ч битүү орчинд амны хаалт зүүх шаардлагыг үргэлжлүүлэн мөрдөх ажээ.
АНЭУ-д өдөрт шинээр илрэх халдварын тохиолдлын тоо нэгдүгээр сард 3000-д дөхөж байснаасаа хойш 600 орчимд хүрч буураад байна.
