ОХУ-ын 498 цэрэг амиа алджээ

Украины нөхцөл байдал 14:00 цагийн байдлаар ямар байгаа талаар BBC агентлаг мэдээлжээ.

Киевт - Сүүлийн хэдэн цагийн дотор дөрвөн томоохон дэлбэрэлтийг гэрчүүд дүрс бичлэгт буулгасан боловч дэлбэрэлтийн бай юу байсан нь тодорхойгүй байна. - АНУ-ын батлан ​​хамгаалахын албаны хүн Киевийн ойролцоох Оросын цэргийн машинуудын цуваа түлш, хүнсний хомсдолоос болж "гацсан" гэж мэдэгдлээ.

Өмнөд хэсэгт: - Оросын зэвсэгт хүчин гол боомт хот болох Херсоныг хяналтдаа авлаа гэж орон нутгийн албаныхан мэдэгдлээ. Энэ нь түрэмгийлэл эхэлснээс хойш эзлэгдсэн анхны томоохон хот юм.

- Мариуполь боомт хотод буудалцаан олон цаг үргэлжилж, олон зуун хүн амь үрэгдсэн гэж хотын орлогч дарга мэдэгдэв.

- Украины зэвсэгт хүчнийхэн тус хотыг Украины мэдэлд байгаа хэмээжээ.

Зүүн хойд хэсэгт: Мөн тус улсын хоёр дахь хот Хархив руу их буугаар бууджээ.

Бусад: - Украины Ерөнхийлөгч Владимир Зеленский иргэдийнхээ эх орноо хамгаалах эр зоригийг магтсан дүрс бичлэг нийтэлжээ.

- Украин дахь түрэмгийлэл эхэлснээс хойш нэг сая гаруй хүн дүрвэсэн гэж НҮБ мэдэгдлээ.

- Украинд үйлдэгдэж болзошгүй дайны гэмт хэргийн мөрдөн байцаалтыг Гааг дахь Олон улсын эрүүгийн шүүх эхлүүлжээ.

- Орос Украинд хийсэн дайралтын үеэр 498 цэрэг амиа алдаж, 1597 цэрэг шархадсаныг хүлээн зөвшөөрлөө.