О.Цогтгэрэл: Амьдралдаа хэзээ ч уулзаж байгаагүй хүмүүстэй холбож, хүнд гэмт хэрэгт гүтгэж байна

УИХ-ын гишүүн Д.Ганбат өнөөдөр өглөө Төрийн ордонд мэдээлэл хийх үеэрээ "Олимпын аварга хүнийг Улсын начинтай маргалдуулах, орон байрыг нь бэлдсэн муухай зүйлийг О.Цогтгэрэл гэгч хүн бий болгож байсан" хэмээн мэдэгдсэн. Эл мэдээллийн дараагаар УИХ-ын гишүүн О.Цогтгэрэл, Д.Ганбат нар Б.Пүрэвдорж гишүүний өрөөнд нударга зөрүүлсэн. Тэгвэл УИХ-ын гишүүн Д.Ганбатын мэдээлэлд УИХ-ын гишүүн О.Цогтгэрэл "Амьдралдаа хэзээ ч уулзаж байгаагүй хүмүүстэй холбож, хүнд гэмт хэрэгт удаа дараа гүтгэж байна. Хуулийн байгууллагаар шалгуулж тогтоолгоно" гэлээ.