Х.Баттулга УДШ-ийн Ерөнхий шүүгч Д.Ганзоригийг хууль зөрчиж, С.Баярцогтыг цагаатгасан гэж үзэн ҮХЦ-д гомдол гаргажээ

Монгол Улсын Ерөнхийлөгч асан Х.Баттулга өнгөрсөн бямба гарагийн үүрээр эх орондоо ирсэн. Тэрбээр АН-ыг нэгдэх сургаар ийнхүү эх орондоо яаран сандран ирсэн хэмээн эх сурвалжууд мэдээлсэн. Тэгвэл энэ нь ч үнэний ортой бололтой. Тэрбээр өнөөдөр Улсын Дээд Шүүхийн Ерөнхий шүүгч Д.Ганзориг, АН-ын даргад нэр дэвшигч С.Баярцогт нарын асуудлаар ҮХЦ-д гомдол гаргасан байна.

Тодруулбал, иргэн С.Баярцогт нарт холбогдох Чингэлтэй дүүргийн Эрүүгийн Хэргийн Анхан Шатны Шүүхийн 2020 оны 07 дугаар сарын 17-ны өдрийн 507 дугаар шийтгэх тогтоол, Нийслэлийн давж заалдах шатны шүүхийн 2020 оны 12 дугаар сарын 03-ны өдрийн 14/54 дүгээр магадлал, Улсын Дээд Шүүхийн Эрүүгийн хэргийн шүүх танхимын 2021 оны 05 дугаар сарын 19-ний өдрийн 238-р тогтоол зэрэг нэг мөр хянан шийдвэрлэгдсэн эрүүгийн хэргийг Эрүүгийн хэрэг хянан шийдвэрлэх тухай хуулийн 40.8 дугаар зүйлийн 4 дэх хэсэгт зааснаар Хяналтын Шатны Шүүхийн тогтоол, шүүхийн эцсийн шийдвэр байх ба уг тогтоолд гомдол гаргахгүй гэж заасныг зөрчиж, эрүүгийн хэргийн нэгдсэн шүүгчдийн хуралдаан гэж хуульд байхгүй “механизм”-ыг ашиглан хэргийг хянан шийдвэрлэсэн асуудлаар гомдол гаргаж байна" гэжээ.