СЭРЭМЖЛҮҮЛЭГ: Ахуйн гал түймрийн улмаас гурван иргэн амь насаа алдаж, нэг иргэн хүнд бэртжээ

Баянзүрх дүүргийн 20 дугаар хороо, Төвийн гудамжинд байшин шатсаны улмаас гурван хүн намь насаа алдаж, нэг хүн хүнд бэртжээ.

Энэ тухай дуудлага мэдээлэл өчигдөр /2022.01.25/ оройн 22:55 цагт ОБГ-т ирсэн бөгөөд Онцгой байдлын хэлтсийн Гал түймэр унтраах, аврах 35 дугаар ангийн алба хаагчдыг очиход иргэн Х-ын 3×4 метрийн хэмжээтэй байшин шатаж байсныг ажиллаж унтраасан байна.

Уг гал түймэрт Б /58 настай, эрэгтэй/, С /44 настай, эмэгтэй/, нэр нас, харьяалал нь тодорхойгүй /60 орчим настай, эмэгтэй/ нар өртөж нас барсан бөгөөд иргэн Д /47 настай, эрэгтэй/ нүүр, гар хэсгээрээ түлэгдэж, бэртсэн тул нийслэлийн ЯТТТ-ийн эмчид болон тус дүүргийн Цагдаагийн 3 дугаар хэлтсийн мөрдөгчид шилжүүлэн өгсөн байна.