Энэ мэдээ хуучирсан буюу 2023/03/24-нд нийтлэгдсэн мэдээ болно.
Монголын баг Кувейт улсын шигшээ багийг 8:0 харьцаагаар хожлоо
00
Монгол Улсад анх удаа болж буй шайбтай хоккейн IV дивизионы дэлхийн аварга шалгаруулах тэмцээн өчигдөр "Мөсөн өргөө" ордонд эхэллээ. Манай улсын шигшээ баг Кувейт улсын шигшээ багтай эхний тоглолтоо хийж, 8:0 онооны харьцаатайгаар хожлоо. Ингэснээр хүснэгтийн хоёрдугаарт бичигдэж эхэллээ. Филиппин улсын шигшээ баг Индонез улсын шигшээ багийг 14:0 харьцаатайгаар хожсоноор дөрөвдүгээр бүсийг тэргүүлж байна.
Тоглолтын шилдгээр Монголын багаас 11 номерын тамирчин М.Чинзолбоо, Кувейтын багаас 97 номерын тамирчин Аlsarraf Ali нар шалгарлаа.
Монгол Улсын шигшээ баг гуравдугаар сарын 25-нд 18.00 цагаас Филиппиний шигшээ багтай тоглоно.
