УИХ-ын гишүүн Н.Наранбаатар УИХ-ын Тамгын газраас байрны дэмжлэг авч, “МАРШАЛ ТАУН“ хотхонд байр авчээ

УИХ-ын гишүүн Н.Наранбаатарын ХУД-т байрлах Маршал таун хотхоны тансаг зэрэглэлийн 250м2 орон сууцыг худалдан авсан эх үүсвэрийг тогтоохоор хуулийнхан шалгаж буй.

Тэгвэл тэрбээр дээрх үл хөдлөх хөрөнгийг ямар эх үүсвэрээр авсан талаар ярихдаа “Хуучин байраа зарсан. Дээр нь нэмээд УИХ-ын тамгын газраас хөдөөгөөс орж ирсэн гишүүдэд байрны тодорхой дэмжлэг өгдөг юм. Түүнийг нь авсан. Дээр нь нэмээд цалингийн орлого, цалингийн хуримтлал зэргээ нийлүүлж байгаад худалдаж авсан” гэв.

Ташрамд мэдээлэхэд, Прокурорын байгууллагаас мөрдөн шалгах ажиллагааны хүрээнд Н.Наранбаатарын хамаарал бүхий 16 үл хөдлөх хөрөнгийг битүүмжилсэн тухай өчигдөр Улсын Ерөнхий прокурор Б.Жаргалсайхан мэдээлсэн юм.