О.Цогтгэрэл: АН-ынхан ҮХНӨ дээр зарчмаасаа ухраагүй. Ажлын хэсэг ҮХНӨ-ийн төсөл дээр санал дүгнэлт боловсруулж байна

Засгийн газрын өнөөдрийн хуралдаанаар ҮХНӨ-ийн төслийн үзэл баримтлалыг хэлэлцэж Ерөнхий сайдаас намуудын байр суурийг нэгтгэх тодорхой үүрэг чиглэлийг ЗХЭГ-ын дарга Д.Амарбаясгаланд даалгасан билээ.

Тодруулбал хуулийн төслийн үзэл баримтлалыг хэлэлцэх үеэр Ерөнхий сайд "Лу.Гантөмөр тэргүүтэй АН-ын, бүлэг нь ҮХНӨ-ийн асуудлаар тохирсон тохироо, зарчмаасаа ухарсан" гэдэг асуудлыг ярьж, "хэрэв АН зэрэг намууд дэмжихгүй бол ҮХНӨ-ийг заавал явуулах гээд хүчлэх шаардлагагүй” гэсэн байр суурийг илэрхийлсэн байдаг. Тэгвэл бид энэ асуудлаар АН-ын бүлгийн дарга О.Цогтгэрэлээс тодрууллаа.