Ханбогд сумын Засаг дарга Х.Нэхийт нарыг цагдан хорьжээ

"Нүүрсний" гэх хэргийн нотлох баримтыг шинжлэн судлах эхний шатны сонсголын үеэр Өмнөговь аймгийн Ханбогд сумын Засаг дарга Х.Нэхийт нарын хүмүүс 2020-2022 оны хооронд гадаадын хөрөнгө оруулалттай 38 хуулийн этгээдэд 457.3 га газар эзэмших эрх олгосон талаар мэдээлэл ил болсон билээ.

Дээрх хэргийг АТГ-аас шалгаж эхлээд байсан юм. Тэгвэл өнгөрсөн сарын 25-ны өдөр прокурорын саналын дагуу шүүх хэлэлцээд, Х.Нэхийт, Ш.Эрдэнэжаргал нарт өмнө нь авсан Монгол Улсын хилээр гарахыг хориглох таслан сэргийлэх арга хэмжээг хэвээр үлдээж, цагдан хорих таслан сэргийлэх арга хэмжээ авах прокурорын саналаас татгалзсан байдаг.

Харин дээрх шийдвэрээс долоо хоногийн дараа ийнхүү цагдан хорих шийдвэрийг гаргажээ.