Ж.Батбаясгалан: ТУЗ-ийн гишүүдийн 4-6 жил ажилласан цалинг нэмж тавьчхаад “Өөрсдийгөө урамшуулсан“ гэж буруу мэдээлэл тараасан

Өнгөрөгч 12 дугаар сард зохион байгуулагдсан нүүрсний сонсголын үеэр "Тавантолгой түлш"-ийн ТУЗ-ийн гишүүд нь 1.1 тэрбум төгрөгийн урамшуулал авсан гэх мэдээллийг шинжээч гаргаж тавьсан. Үүнтэй холбоотойгоор НИТХ-ын дарга Ж.Батбаясгаланг дуудсан боловч хүрэлцэн ирээгүй байдаг. Тэгвэл НИТХ-ын ээлжит бус хуралдааны үеэр НИТХ-ын төлөөлөгч Д.Пүрэвдаваа "Нүүрсний сонсголд ирээгүй албан тушаалтны нэг нь та. Та битгий бухимд. Тантай холбоотой их дүнтэй урамшууллын асуудал яригдсан" хэмээн тодруулахад НИТХ-ын дарга Ж.Батбаясгалан дараах хариултыг өгсөн юм.