Д.Гантулга: Х.Нямбаатар НИТХ-ын төлөөлөгчдийг “Суруга Монгол“ компанийн хэрэгт үндэслэлгүйгээр холбогдуулан гүтгэж байгаа нь дарангуйлагч, сүрдүүлэгч арга барилыг нийслэлд нэвтрүүлж байна

ХҮН намаас нийслэлийн төсвийн асуудлаар мэдээлэл хийлээ. Энэ үеэр НИТХ дахь ХҮН намын бүлгийн дарга Д.Гантулга,

"Нийслэлийн Засаг дарга ажил хэрэгч бус дарамтлагч арга барилыг НИТХ-д оруулж ирлээ. Х.Нямбаатар сөрөг хүчний төлөөлөгчдийг огт үндэслэлгүй гүтгэх, шантаажлах арга барилаар ажиллаж байна. НИТХ-ын төлөөлөгчдийг "Суруга Монгол" компанийн хэрэгтэй үндэслэлгүйгээр холбогдуулан гүтгэж байгаа нь Х.Нямбаатар дарангуйлагч, сүрдүүлэгч арга барилыг нийслэлд нэвтрүүлснийг зарласан үйл явдал гэж НИТХ дахь ХҮН намын бүлэг үзэж байна" гэв.