Паралимпын мөнгөн медальт Ц.Баттулгын Гавьяат тамирчин цолны мялаалга наадам ирэх сарын 5-нд Булган аймагт болно

Францын нийслэл Парис хотноо зохион байгуулагдсан "Парис-2024" паралимпын наадмын хөнгөн атлетикийн бөөрөнцөг түлхэлтийн төрөлд оролцсон ОУХМ Ц.Баттулга мөнгөн медаль хүртсэн билээ.

Улмаар түүний энэхүү амжилтыг өндрөөр үнэлж, Монгол Улсын Ерөнхийлөгчийн зарлигаар Монгол Улсын Гавьяат тамирчин цол хүртээсэн.

Тэгвэл Ц.Баттулга Гавьяат цолны мялаалга наадам ирэх аравдугаар сарын 5-ны өдөр Булган аймгийн Төв цэнгэлдэх хүрээлэнд зохион байгуулагдахаар болжээ.