Завхан аймгийн ИТХ-д 35 мандатаас 20-ийг нь МАН авчээ

Завхан аймгийн Засаг дарга Г.Өнөрбаяр "Завхан аймгийн 35 мандатаас МАН 20 суудал авлаа. МАН-д итгэж, дэвшүүлсэн хүмүүсийг дэмжсэн бүх хүмүүст баярлалаа. Итгэж дэмжсэнд дахин талархал илэрхийлье. Бидний бодлогод эргэлзсэн бүхний итгэлийг олохын төлөө хичээж ажиллана. Завхан аймгийн МАН-ын хорооны штаб, ажлын албыг удирдсан Ж.Эрхэмбаатар, Б.Даваасүрэн, П.Бодьсайхан болон бусад бүх хүмүүст баярлалаа. Завхан аймгийн МАН-ын хорооноос нэр дэвшүүлсэн хүмүүсийн менежер, ухуулагч, туслахаар ажилласан, журмын нөхдөө дэмжсэн намын гишүүддээ баярлалаа. ЗАВХАНЫ ШИНЭ СЭРГЭЛТ-ийг бий болгох “ХУРДТАЙ ХӨГЖЬЕ” хөтөлбөрийг хэрэгжүүлэх боломж олдсонд баяртай байна. Хичээж, зүтгэнэ" гэжээ.