Т.Мөнхсайхан: ЭМД-ын санд 2023 оны байдлаар 1.93 их наяд төгрөг төвлөрсөн. 11, 12 сард зарцуулах ёстой мөнгийг эхний улирлуудад зарцуулсан учраас өнөөдрийн нөхцөл байдал үүссэн

ЭМДЕГ-аас улсын эмнэлгүүдэд санхүүжилт олгохоо больсон тул иргэд улсын эмнэлэгт төлбөрөө төлж үйлчлүүлэхээр болсон гэх мэдээлэл гарсан. Уг мэдээллийг ЭМ-ийн сайд Т.Мөнхсайханаас тодрууллаа. Тэрбээр, "Улсын эмнэлгүүд иргэдээс, хувь хүнээс төлбөр аваад үйлчилгээ үзүүлэхээр болсон зүйл ОГТ БАЙХГҮЙ. Эрүүл мэндийн даатгалын сан хүнд нөхцөл байдалтай байгаа нь ҮНЭН. ЭМД-ын санд 2023 оны байдлаар 1.93 их наяд төгрөг төвлөрсөн. 11, 12 сард зарцуулах ёстой мөнгийг эхний улирлуудад зарцуулсан учраас өнөөдрийн нөхцөл байдал үүссэн. Гэхдээ тусламж үйлчилгээгээ зогсоох хэмжээнд ХҮНДРЭЭГҮЙ" гэлээ.