SOCIAL POP: “Санаа нь зөв юм биш үү. Наадмаар хуушуур, Цагаан сараар бууз, Улс тунхагласны баяраар БИТҮҮ ШӨЛ иддэг байвал ...“
Улс тунхагласны баяр ирэх долоо хоногийн мягмар гарагт тохионо. Эл өдөр бүх нийтээр амрах хуулийн зохицуулалттай. Үүнтэй холбоотойгоор, УИХ-ын Тамгын газраас Боловсролын Яаманд албан бичиг хүргүүлж, ЕБС-ийн сурагчдын гэрийн даалгаварт "Улс тунхагласны баярын өдөр гэртээ ээж, аавтайгаа хамт "Битүү шөл" хийж идэх даалгавар өгөхийг уриалсан.
Тус асуудал цахим орчинд шүүмжлэл дагуулж, олон нийт бухимдлаа илэрхийлсээр байна. Энэ талаар Эдийн засагч Д.Ангар цахим хуудсаараа дамжуулан үзэл бодлоо илэрхийлсэн. Тэрбээр, "Битүү шөлний санааг 2023 онд байгуулагдсан Ажлын хэсэг гаргасныг УИХ-ын тамгын газрын дэд дарга Э. Лхагва дамжуулсан юм биш үү. Бодвол дээрх ажлын хэсгийн secretariat байсан байх. Гэхдээ санаа нь зөв юм бишүү. Наадмаар хуушуур, Цагаан сараар бууз, Улс тунхагласны баяраар битүү шөл иддэг байвал" гэсэн байна.
