Залуу дуучин Ц.Отгонбаяр МУГЖ С.Эрдэнэцэцэгтэй хамтарч “ХОС ОРЧЛОН“ дууг шинэчилж дууллаа

Цээж нүцгэн зохиолын дуу дуулж цахим орчинд шуугиан тарьж байсан залуу дуучин Ц.Отгонбаяр МУГЖ С.Эрдэнэцэцэгтэй хамтарч "ХОС ОРЧЛОН" дууг шинэчлэн дуулжээ.

Хөгжмийн зохиолч, Д.Чулууны хөгжим, Ц.Эрдэнэбатын шүлэг “Хос орчлон” дууг хамгийн анх МУГЖ С.Батсүх дуулж олонд хүргэж байсан бол 2015 онд Дуучин Б.Болд, Э.Чулуунчимэг дуулж, 2016 онд МУГЖ С.Жавхлан, Т.Баясгалан нар хамтран дуулж байсан юм.

Үе үеийн уран бүтээлчид, гавьяатуудын шинэчлэн найруулж үзэгч, сонсогчдынхоо сонорыг мялаасаар ирсэн эл уран бүтээлийг энэ удаад МУГЖ С.Эрдэнэцэцэг залуу дуучин Ц.Отгонбаяртай хамтран орчин үеийн хэв маягтай хослуулан шинэчлэн дуулсан нь олон хүнд хүрч байна.