SOCIAL POP: С.Баяр машин, улсын дугаар зарна гэх зар нь “ӨГӨӨШ“ байсан гэв
Ерөнхий сайд асан С.Баяр "Мөнгөний хэрэг гарав. Diesel "Toyota Land cruiser-300"-гаа УНҮ 0009 дугаартай нь зарахаар шийдэв. Дугаарын асуудлаар хавар шуугиад асан УИХ-ын гишүүн хэн билээ, хөнгөлөлттэй өгнө" гэж цахим хуудаснаа зар нийтэлсэн юм.
Тэгвэл өнгөрсөн хавар энэ асуудлаар "Шүгэл үлээсэн" УИХ-ын гишүүн Ө.Шижир "Төрөөс үнэгүй хулгайлсан юмаа үнэ хүргэж зарна ч гэх шиг. МАН-ын дарга, Ерөнхий сайд байсан хүмүүсийн өлөн зан арай ч дээ. Унаж байсан машинаа хүртэл улсын дугаартай хувьдаа аваад явсан дарга нар шүү дээ. Тэгээд одоо үнэ хүргэж зарна гэнэ үү, жинхэнэ өлөнгийн цех үү" гэж шүүмжилжээ.
Түүний илэрхийлсэн байр суурийн дараагаар Ерөнхий сайд асан С.Баяр "Машин зарахгүй. Гишүүнд тэр тусмаа. Намайг гэхээсээ хүүхдүүдийг маань элдвээр бичээд байдаг хэдэн троллууд нэгэн зэрэг босох эсэхийг нь харах гэсэн юм. Босч байна. Харж байна" гэв.
