Ц.Пүрэвхүү: Утаанаас болж 700 гаруй хүн амиа алдсан байхад Л.Оюун-Эрдэнэд хариуцлага тооцохоо умартаад, Ч.Лодойсамбуугийн  байрны түрээсийг хэлэлцэж суух ч гэж дээ

“Утааны эсрэг ээж, аавууд” фейсбүүк группийн тэргүүний дүрээр гудамжнаас тэмцэж гарч ирсэн иргэн Ц.Пүрэвхүү таг чиг амьдрах болсон. Тэрбээр утааны эсрэг жагсаал хийж, Ерөнхийлөгчийн Байгаль орчин, ногоон хөгжлийн бодлогын зөвлөх болтлоо дээшилж байсан удаатай. Ц.Пүрэвхүү 2022 оны нэгдүгээр сард чөлөөлөгдөх өргөдлөө өгч байв. Түүнийг 2024 оноос хойш МАН-ын Ерөнхий хорооны гишүүнээр сонгогдон ажиллаж байгаа гэх мэдээлэл бий.

Тэгвэл тэрбээр өөрийн твиттер хуудаснаа "Утаанд улс үндэстэн үр хүүхдүүдээр нь утаж, эс үйлдэхүйгээс нь болж 700 гаруй хүн амиа алдсан байхад Л.Оюун-Эрдэнэд хариуцлага тооцохоо умартаад түүнээс шударга ёс нэхсэн Ч.Лодойсамбуугийн байрны түрээсийг хэлэлцэж суух ч гэж дээ. Ямар дорой, болхи тоглодог юм бэ" гэжээ.

Утаанд улс үндэстэн үр хүүхдүүдээр нь утаж, эс үйлдэхүйгээс нь болж 700 гаруй хүн амиа алдсан байхад Оюун-Эрдэнэд хариуцлага тооцохоо умартаад түүнээс шударга ёс нэхсэн Лодойгийн байрны түрээсийг хэлэлцэж суух ч гэж. Ямар дорой болхи тоглодог юм бэ

— Purevkhuu (@purevkhuuuu1) February 11, 2025