Хувьцааны мөнгөө ирээдүйд хэрэглэхээр 19154 иргэн санал гаргажээ
“Эрдэнэс Тавантолгой” ХК-ийн хувьцааны ногдол ашгийн 100 мянган төгрөгийг битүүний өдөр олгоно. Харин 1192 иргэн өнөөдрийн /2025.02.24/ байдлаар хувьцааны мөнгөө хандивлах хүсэлт гаргаад байна.
“Эрдэнэс Тавантолгой” ХК-ийн хувьцааны ногдол ашгаа бэлэн мөнгөөр авах уу, хуримтлуулах уу, аль эсвэл нийгмийн төсөл хөтөлбөрт зарцуулах уу гэдэг сонголттойгоор E-Mongolia аппликэйшнээр дамжуулан энэ сарын 20-ны өдрөөс иргэдийн саналыг авч эхэлсэн. Өнөөдрийг хүртэл хугацаанд нийт 400,232 иргэн саналаа өгсөн байна. Саналаа өгсөн иргэдийн хувьцааны мөнгөө хандивлах хүсэлт гаргасан иргэд нийгмийн сайн үйлс, төсөл хөтөлбөрт хандивлах санал гаргасан бол 19154 иргэн ирээдүйд хэрэглэхээр хуримтлалын санд хадгалуулах, 379,950 иргэн буюу 94.93 хувь нь ногдол ашгаа бэлнээр авах санал илэрхийлжээ. Санал асуулгыг хоёрдугаар сарын 26-ныг хүртэл авах юм.
