Энэ мэдээ хуучирсан буюу 2025/02/25-нд нийтлэгдсэн мэдээ болно.
ТОДРУУЛГА: Сар шинийн баяраар ТАВАН ХОНОГ амрах санал гаргасан. Маргааш ЗГ-ын хуралдаанаар шийдвэрлэнэ
50
Маргааш болох Засгийн газрын ээлжит хуралдаанаар сар шинийн баяраар хэчнээн хоног амрах асуудлыг хэлэлцэж, шийдвэрлэхээр болсон талаар бид мэдээлсэн билээ. Тодруулбал, энэ удаад шинийн нэгэн тасарсан тул зөвхөн шинийн 2, 3-ны бямба, ням гарагт бүх нийтээр амарч, 4-нөөс ажил цуглахаар болсон.
Энэ нь олон нийтийн шүүмжлэлийг дагуулаад буй тул ийнхүү Засгийн газар хэлэлцэхээр болсон юм. Энэ талаар Гэр бүл, хөдөлмөр, нийгмийн хамгааллын яамнаас тодруулахад "Манай яамнаас сар шинийн баяраар таван хоног амрах саналыг гаргаад байна. Эцсийн шийдвэрийг маргааш Засгийн газрын хуралдаанаар гаргана" гэх тайлбарыг өглөө.
