НДЕГ шинийн 5 буюу энэ сарын 4-ний ажлын өдрийг ирэх бямба гарагт шилжүүлэн ажиллана

Энэ жилийн цагаан сараар шинийн 4, 5, 6 буюу гуравдугаар сарын 3-5-ны ажлын өдрүүдийг бүх нийтийн амралтын өдөрт шилжүүлж нийтээрээ амарсан. Засгийн газраас тус шийдвэрийг гаргахдаа бүх нийтээр амрах өдөр болгон өөрчилсөн тус гурван өдрийг 2025 ондоо багтаан, аль ч үед нөхөж болохыг төрийн бүх шатны байгууллагын удирдлагуудад үүрэг болгосон байдаг.

Энэ хүрээнд нийгмийн даатгалын ерөнхий газар шинийн 5 буюу гуравдугаар сарын 4-ний ажлын өдрийг энэ сарын 29-ны бямба гарагт шилжүүлэн ажиллахаар болсон байна.