Ц.Даваасүрэн: Нэг орны хараат болчхоод байгаагаа ерөөсөө тоохгүй юм

Засгийн газраас өргөн мэдүүлсэн Монгол Улс болон Евразийн эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төслийг өнөөдрийн УИХ-ын Эдийн засгийн байнгын хорооны хуралдаанаар хэлэлцэх ёстой байсан ч судалгаа дутуу гэх үндэслэлээр хэлэлцэхээс татгалзаж, хойшлуулсан. Хуралдааны үеэр УИХ-ын гишүүн Ц.Даваасүрэн "Нэг орны хараат болчхоод байгаагаа ерөөсөө тоохгүй юм. Тэгээд бусадтай нь найзалъя гэхээр болгоомжлоод хэвтчих юм. Оросууд 1990-ээд оны эхэн үед манай өргөн хэрэглээний бүтээгдэхүүнд өндөр татвар тавьсан. Үүнийг өөрчлөх боломж гарсан юм бол одоо л ярих хэрэгтэй" гэсэн юм.