“Хяналт шалгалтыг тодорхой болгох зорилгоор Тэргүүн шадар сайдын мэдэлд шилжүүлсэн“

УИХ-ын Төрийн байгуулалтын байнгын хороогоор Засгийн газрын бүрэлдэхүүний тухай хуульд өөрчлөлт оруулах тухай хуулийн төслийг хэлэлцэж, УИХ-аар хэлэлцэхийг дэмжсэн юм.

Энэ үеэр Ерөнхий сайд Г.Занданшатар гишүүдийн асуултад хариулсан юм. Тэрбээр хэлэхдээ "Цаашид МЭРГЭЖЛИЙН ХЯНАЛТТАЙ байх асуудал яригдаж байгаа. Намрын чуулганаар хэлэлцэх байх. Хяналт шалгалтыг тодорхой болгох зорилгоор Тэргүүн шадар сайдын мэдэлд шилжүүлсэн.

Суманд эрүүл ахуйн чанар шалгадаг газаргүй, хаанаас орж ирсэн нь тодорхойгүй бараа бүтээгдэхүүн зарагддаг болсон. Мөн яам бүрийн шалгалт давхцаж, хувийн хэвшилд дарамт учруулдаг болсон байна" гэлээ.