Тарьсан мод руу цемент зуурмагийн үлдэгдлээ асгасан жолооч нарыг олж тогтоон, БОГ-т шалгуулахаар шилжүүлжээ

Цахим орчинд бетонон зуурмаг тээвэрлэх зориулалт бүхий тээврийн хэрэгслийн жолооч нар зуурмагийн үлдэгдлээ тарьсан мод руу асгасан бичлэг нийтлэгдсэн.

Энэ талаар цагдаагийн байгууллагаас тодруулахад "ХУД-ийн наймдугаар хорооны нутаг 118 дугаар сургуулийн орчмын ногоон байгууламжид бетон зуурмагийн үлдэгдэл, хаягдал хогийг хаяж асгасан жолооч нарыг тогтоосон. Дээрх жолооч нарын үйлдэл нь Хог хаягдлын тухай хууль зөрчсөн зөрчлийн шинжтэй бөгөөд уг зөрчлийг байгаль орчны хяналтын улсын байцаагч шалгах шийдвэрлэх хуулийн харьяалалтай байх тул зөрчлийг Байгаль орчны газарт шалгуулахаар харьяаллын дагуу шилжүүлсэн" гэв.