“Яаралтай дархлаажуулалт” нэрийдлээр 3 тэрбум 927 сая төгрөгийн хохирол учруулсан МЭЕГ-ын дарга асан Д.Түмэндэмбэрэлийн хэргийг шүүхэд шилжүүлжээ

Бусдад давуу байдал олгон улсын төсөвт 3 тэрбум 927 сая төгрөгийн хохирол учруулсан МЭЕГ-ын дарга асан Д.Түмэндэмбэрэл, эрдэм шинжилгээний ажилтнаар ажиллаж байсан З.Батсүх нарын хэргийг шүүхэд шилжүүлжээ. Тэд албан тушаалын байдлаа урвуулан ашиглаж, бүлэглэн “яаралтай дархлаажуулалт” нэрийдлээр нээлттэй тендер шалгаруулалт зарлахгүйгээр Бүгд Найрамдах Энэтхэг Улсын “Х...” ХХК-тай 2018.09.12-ны өдрөөс 2020.04.02-ны өдрийн хооронд шууд гэрээ байгуулж, 3 тэрбум, 927 сая төгрөг шилжүүлж, бусдад давуу байдал олгон улсын төсөвт 3 тэрбум, 927 сая төгрөгийн хохирол учруулсан байна.