ФОТО: УСУГ шинэ ажилтнуудаа байгууллагын бүтэц, үйл ажиллагаатай танилцууллаа

УСУГ нь өдөр тутмын үйл ажиллагаандаа тогтмол шинэчлэл хийж, ажиллах хүч болон хүний нөөцийн бодлогодоо өндөр ач холбогдол өгч ирсэн. Энэ удаад УСУГ-т шинээр ажилтан болж, салбар нэгжүүдэд ажиллах шинэ ажилтаны танилцах өдөрлөгийг амжилттай зохион байгууллаа. Шинэ ажилтныг байгууллагын бүтэц, зохион байгуулалт, үйл ажиллагааны чиглэл, зохион байгуулалтын нэгжүүдийн чиг үүрэг, ажлын орчин, байгууллагын соёл, үнэт зүйлстэй танилцуулах, ажлын байранд дасан зохицох, хамтын ажиллагааг бэхжүүлэх, байгууллагын үйл ажиллагааны талаарх нэгдсэн ойлголтыг төлөвшүүлэх ач холбогдолтой сургалт аялал боллоо.