Томуугийн дэгдэлттэй холбоотойгоор өрхийн эрүүл мэндийн төвүүд амралтын өдрүүдэд ажиллана

Томуу, томуу төст өвчний улирлын идэвхжил нэмэгдэж байгаатай холбогдуулан нийслэлийн өрхийн эрүүл мэндийн төвүүд амралтын өдрүүдэд ажиллахаар болжээ.

Тодруулбал, аравдугаар сарын 17–18, 24–25-ны бямба, ням гарагт нийслэлийн 150 өрхийн эрүүл мэндийн төв болон дөрвөн тосгоны эрүүл мэндийн төв 11:00–16:00 цагийн хооронд иргэдэд эрүүл мэндийн тусламж, үйлчилгээ үзүүлнэ.