Маргаашаас ихэнх нутгаар нойтон цас орно

Цаг уурын байгууллагын ирүүлсэн мэдээгээр маргаашаас эхлэн ихэнх нутгаар нойтон цас орно. Тодруулбал, энэ сарын 9-нд баруун аймгуудын нутгийн баруун хэсгээр,

10-нд баруун аймгуудын нутгийн хойд хэсгээр,

11-нд төвийн аймгуудын ихэнх нутгаар,

12-нд нутгийн зүүн хэсгээр нойтон цас, цас орж, цасан шуурга шуурч, Алтайн уулархаг нутаг, говь, тал, хээрийн нутгаар хүчтэй салхи, шороон шуургатай байхыг анхааруулж байна.

Иймд малчид, иргэд, тээвэрчид, тариаланчид та бүхэн цаг агаарын мэдээ, мэдээллийг тухай бүрт хүлээн авч, аюулгүй байдлаа хангаж, сонор сэрэмжтэй байхыг зөвлөж байна.