Өнөөдөр 21-р хорооллоос Содон хороолол хүртэлх авто замын зүүн урсгалыг хааж, зам засна

Баянхошуу гудамж төслийн хүрээнд Сонгинохайрхан дүүрэг, 21-р хороолол "Зорчигч 2" ОНӨААТҮГ-аас Содон хороолол хүртэлх авто замын зүүн урсгалын хөдөлгөөнийг өнөөдөр хааж, зам засаж байна. Энэ хугацаанд авто замын цэвэрлэгээ болон өнгө асфальт бетон хучилтын ажлыг гүйцэтгэхийг холбогдох албаныхан мэдээллээ.

Авто замын хөдөлгөөнийг өнөөдөр орой 23:00 цагт нээхээр төлөвлөжээ.

Ташрамд дурдахад, Дэлхийн банкны санхүүжилтээр Баянхошуу буюу Үйлдвэрчний эвлэлийн гудамжны 5.6 километр авто замыг шинэчлэх ажил өнгөрсөн онд эхэлсэн аж.