“Эв Монгол” клубийн нэрэмжит барилдааны тов өөрчлөгдлөө

“Эв Монгол” клубийн нэрэмжит сумын цолтон болон залуу бөхчүүдийн барилдааны тов өөрчлөгдлөө.

Тус барилдааныг есдүгээр сарын 26-нд зохион байгуулахаар товлосон байсан ч энэ өдөр Улаанбаатар хотын төвийн хэсгийг 09:00–18:00 цагийн хооронд “Автомашингүй өдөр” болгон зохион байгуулахаар болсонтой холбоотойгоор ирэх аравдугаар сар хүртэл хошлуулж байгаа аж.

Ийнхүү сумын цолтон болон залуу бөхчүүдийн хүсэн хүлээж байсан барилдаан есдүгээр сарын 26-нд биш, аравдугаар сард болохоор болжээ.