Морьт харваач Г.Гүнбилэг дэлхийн нүүдэлчдийн наадмын хос медальтан боллоо

Киргизийн Бишкек болон Чолпон-Ата хотод болж буй Дэлхийн нүүдэлчдийн VI наадмын морьт харвааны төрлийн аваргууд тодорлоо. Киргиз харвааны эмэгтэйчүүдийн төрөлд Г.Гүнбилэг 100 оноо авснаар дэлхийн наадмын аварга боллоо. Энэ төрөлд Польш, ОХУ-ын тамирчид мөнгө, хүрэл медалийг хүртэв.

Мөн Г.Гүнбилэг холимог багийн төрөлд хүрэл медаль хүртэж, тус наадмын Монголын багийн анхны хос медальтан боллоо. Морь харвааны төрөл өнөө, маргааш цамхаг харвааны төрлөөр үргэлжилнэ.