М.Батчулууны давж заалдах хүсэлттэй талууд танилцаж, Давж заалдах шүүхэд хүргүүлэхээр болжээ

Сэтгэцийн өөрчлөлттэй гэх иргэн М.Батчулуун нь ойролцоох айлынхаа жирэмсэн эмэгтэйг дөрвөн настай охиных нь хамт хутгалан хөнөөсөн байдаг. Улмаар хэрэг нь шүүхээр тогтоогдсон тул өнгөрсөн тавдугаар сарын 6-ны өдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс түүнд бүх насаар нь хорих ял оноож, чанга дэглэмтэй хорих ангид ялыг эдлүүлэхээр болсон юм.

Харин өнгөрсөн наймдугаар сард М.Батчулуун давж заалдах хүсэлтээ шүүхэд гаргасан талаар бид өмнө нь мэдээлсэн. Тэгвэл холбогдох шүүхийн байгууллагуудаас тодруулахад "Давж заалдах хүсэлттэй хохирогчийн хууль ёсны төлөөлөгч зэрэг талууд танилцсан тул Давж заалдах шатны шүүхэд хүсэлтийг хүргүүлэхээр болсон. Ойролцоогоор 14 хоног орчмын дараа хүргүүлнэ. Үүний дараа шүүх хурал товлогдоно" гэх тайлбарыг өгсөн юм.