ЗГ: Улс орны эрх ашгийн эсрэг зохион байгуулалттай гүтгэлэг тарааж байгаа цахим хаягуудыг хуулийн байгууллагаас шалгаж эхэлсэн

Шатахууны нийлүүлэлт доголдож эхэлсэнтэй холбогдуулан цахим орчинд албан бус зарим мэдээллүүд цацагдах болсон. Тухайлбал, "Оросуудыг муухай харагдуулах зорилгоор бензин тасалдуулсан байна. ОХУ-ын хил дээрээс Монгол Улс бензинтэй вагоноо татаж авахгүй олон хонолоо гэж Оросууд бичжээ" гэх мэдээлэл олон нийтийн сүлжээнд цацагдсан.

Энэ талаар Засгийн газрын ХМОНХХ-ээс тайлбар хийж "Ийм зүйл огт байхгүй. Улс орны эрх ашгийн эсрэг зохион байгуулалттай гүтгэлэг тарааж байгаа цахим хаягуудыг хуулийн байгууллагаас шалгаж эхэлсэн" гэлээ.