МСҮТ-ийн суралцагчдад 200 мянган төгрөгийн тэтгэлгийг сар бүр олгоно

Засгийн газрын ээлжит хуралдаанаар энэ оны нэгдүгээр сараас эхлэн Мэргэжил сургалт үйлдвэрлэлийн төвийн суралцагчид сар бүр 200 мянган төгрөгийн тэтгэлэг олгохоор боллоо.

Энэхүү тэтгэлгийг МСҮТ-ийн 2.5 жил, нэг жилийн өдрийн анги, техникийн боловсрол эзэмшүүлэх гурван жил, 1.5 жилийн өдрийн ангид суралцагч, ажил олгогчийн захиалгаар 4-6 хүртэл сарын сургалтад хамрагдаж байгаа суралцагч авна. Журмын өөрчлөлтөөр бүх насны суралцагчдад олгодог байсан бол 45-аас доош насныханд олгохоор болжээ. Тэтгэлэг авах суралцагч нь сургуулийн дотоод журам болон ёс зүйн дүрэм зөрчөөгүй, тухайн сарын онол, дадлагадаа 75-аас дээш хувийн ирцтэй байх шаардлагатай.

Өнөөдөр болж буй Засгийн газрын ээлжит хуралдаанаар 20 асуудал хэлэлцэн шийдвэр гаргах аж.